म …………!!!!!!!

महिना वारी चलिरहेको कारण त्यतिकै खाट्मा पल्टी रहेको थिएँ । आकश्मात बच्चाहरु को आवाज मेरो कानमा पर्‍यो अनि म  पनि तिर्खाएको मान्छेले पानी को मुहान खोजेँ झैँ  उत्सुक हुँदै झ्याल्तिर लम्किएर त्यो मिठो आवाजको श्रोत खोज्न थालेँ, आँखा यता उति एक्छिन डुलाएँ अनि बल्ल मेरो आखाँ ति खेलिरहेका बच्चाहरुमा परे, उनिहरुलाई देख्ने बित्तिकै यो मन मा यती आनन्दको अभाश भयो जुन म कहिले शब्दमा बर्णन गर्न सक्दिन्ँ होला! मलाई एक्छिन त  मरभुमिमा पानी भेटिएको झैँ भयो! आहा!! कती मिठो स्व र्, साचैँ बच्चाहरुको स्व र मा सरस्वती हुन्छन भन्छन , साँचै नै हो रहेछ! म पर बाट उनिहरुलाई हेरिरहेको थिएँ, उनिहरु आफ्नै धुनमा खेलिरहेका थिए ।

अनि उनिहरुलाई हेर्दा हेर्दै मलाई नि  कसैले “आमा” भनेर बोलाए हुन्थ्यो झैँ लागयो, म अनि डुब्न थालेँ सपनाको सन्सारमा , दुइ तीन ओटा लुगा कच्याक्कुचुक पारेर , त्यस्लाई डल्लो बनाएर ,लगाइरहेको कुर्था भित्र हालेर गर्बवती महिला को झैँ पेट बनाएँ अनि यसो ऐनामा हेरेँ अनि आफैँ मन मनै मक्ख पर्दै बसेँ सोच्दै मेरी छोरी कस्ती देखिन्छे होलि!! म जस्तै होली कि नहोलि ? उस्को पहिलो इस्पर्श मलाई कस्तो होला ? उस्ले मलाई तोते बोलिले “आमा” भनेर बोलाउँदा म के गरुँला ?

यस्तै यस्तै सोच्दै म मग्न हुँदै थिएँ तर आकाशमात मुखमा यत्रो ठुलो पानको बुजोँ  हालेर चपाउदैँ जुजु डार्लिङ मेरो अगाडी आइन र भन्न थलिन्,” तेरो आज कती दिन रे ?मा पनि झास्किदैँ त्यो मेरो कृतिम कपडाको  पेट हत्त न पत्त निकालेर फालेँ अनि उस्लाई डराउदैँ जवाफ दिएँ, ” अह्ँ आज पाँच दिन !”अनी उस्ले त्यो उस्को मुखको पानको बुजोँ थुक्दै मलाई भनिन्,” ए! ल ठीक पर्दै गर्!! कस्टमर तेरो मा पठाउछुँ, चार दिन भो तैलेँ सुतेर खाको!”

 

म नि गज्रक्क पर्दै, भारी जिउ लिएर एना अगाडी अभिएँ अनि आशुँ हरुको भेल लाई गाजल ले छोप्दै ,मुटुमा पिडाहरुको बाधँलाई मुटुमै  जसो तसो छेक्दै,यो जुनिमा आमा बन्ने सोउभाज्ञ नभएको यथार्थलाई अङाल्दै , पोत्न थालेँ नानाभातिँ मेकुउप अनुहार्मा सोच्दै “ए! म त केटी कोठिको! ए! म त केटी बेचिएको!”