प्रश्नहरु….!

प्रश्नै प्रश्नहरु मनमै राखी,

कति रातहरु छर्लङ्गै भए

अनि फेरि बिहानी पख आँखा हरु बिजाउँछ्न|

अनि अन्योल्तामा सोच्छु,

टुटेका सपनाहरुले घोचेका हुन कि

या अनिदोँलो हो ?

चक्मन्न रातको अँध्यारो बरै !

उज्यालै लाग्छ आफ्नो भबिश्य भन्दा|

त्यो रातको सुन्याता बरै!

मधुर लाग्छ आफ्नो मस्तिष्कको आवाज भन्दा|

खै! के खोज्दै छु?

कता जादैँछु! कता हराँउदै छु ?

यहि प्रश्नहरुले घेरेका छ्न मलाई

म जवाफ खोज्दै छु तर हर दिन प्रश्नहरु बेग्लै हुन्छ्न|

जवाफहरुको त कुरै नगरौँ मेरा प्रश्नहरुले नै मलाई प्रश्न नै गर्छ्न|

र म फेरि अनुत्तरित प्रश्नहरुको थुप्रोमा पुरिन्छु।

म यो प्रश्नै प्रश्नको खेलमा थाकेर गलिसकेँ |

म बिस्तारै बुझ्दै छु,

“न कुनै प्रश्नको एकै जवाफ छ न कुनै जवाफ एकै प्रश्नको छ?”

-सुजता दया गुरुङ